我們的背景

關於【ECHO MASK，一口口罩】嘅背景:

【ECHO MASK，一口口罩】，係由香港市民SHIRLEY YIP同ADAM YIP兩姐弟同親友一同創辦嘅本地口罩品牌。

我哋嘅廠房以十萬級無塵車間為標準而設置，生產基地係新界元朗區。

現階段籌劃係主要生產成人一次性醫用口罩，未來將會籌備生產『一星期 七色』嘅 星期口罩 及 兒童口罩。

好多人問我哋有咩特別背景？我哋唔係乜嘢大集團，亦冇特別背景。我哋原本係一間進出口貿易有限公司，主要經營歐洲進口貨，小市民一個，小型家族經營企業。

我哋阿爺果一代，來自潮汕，五十年代開始已經係香港落地生根。

我哋行過世界各地，只有香港係我哋唯一有歸宿感嘅地方，

對於香港，血濃於情。我哋同大家一樣，希望我哋永遠擁有健康的家園，健康的香港！

疫情期間，見到好多公公婆婆因為冇口罩而裸面出街；

見到好多市民為左買到一盒口罩而排隊幾個鐘；

見到有D人高價仲要買到唔達標口罩……

心痛嘅感覺……點解會咁？

總覺得呢個時候我哋應該做一D事出來！

最初，我哋嘅目標係為大家係世界各地搜羅高質素口罩返來，台灣，日韓，歐洲……

但發覺，特別時期，並不容易……

唔係來貨價過高，就係停止外銷，即使拿到貨，都有機會面臨口罩被扣而返唔到香港嘅風險……

我哋唸唯一嘅辦法——唯有自己設立工廠係本地生產了，

只有自己生產嘅，先可以真正做到平靚正；先可以控制質量；先可以控制價錢。

於是我地【ECHO MASK 一口口罩】，就誕生了！ 

我哋一手一腳，一筆一劃。此一刻，我們這一家，全力以赴，只求良心製造，盡快生產出品質優良的口罩！

有你哋在，我哋不孤獨，多謝一路為我哋打氣的熱心朋友！

我哋亦都相信，我哋香港一定會平安渡過！

Echo mask加油！香港加油 ！