☀️Hi!大家好!香港一口口罩Echo Mask終於來了!
一路好低調,我地默默籌備口罩廠已經差唔多一個月了,籌備期間,屋企人經常問我地:“你地點解甘遲!蚊都訓了,你地到宜家都未預售!”不過我地始終堅持,我地話要等到口罩機調試完,等到消毒櫃到達,確保最難定的原材料返曬來,我地先同大家宣佈我地“Echo Mask一口口罩”工廠正式成立!!!

今日一早的好消息,好開心!因為調試生產線的師傅好肯定叫我地放心,告知機器順利完成,後日即將到港!原材料亦都一一到場!我地終於可以向大家公佈了!點解我地甘遲先同大家公佈?點解唔事先預售?因為唯有當我地100%確定可以順利為大家生產口罩時,我地先敢向大家發佈!
**********************************************************************
點解要甘謹慎?因為宜家一罩難找的口罩市場,特別機器和原材料,一個字“亂”!有錢未必訂到,訂到都未必真正拿到! 現貨口罩機由年前二十幾萬變成宜家一百幾萬,製造口罩最重要的原材料熔噴佈由年前2萬變成差唔多40幾萬,一D都唔誇張!可能一個月前你用左20幾萬訂的原材料,原本今日到貨,但因為你遇到不守信用的廠家,你分分鐘被逼退錢,只得到少少違約金,而不良廠家可能一早將你事先預定的原材料高價賣比第二個人!所以只有一切在自己控制中時,我地先會預售我地的產品!因為我地要確保100%,成為絕對誠信的商家!ヾ(◍°∇°◍)ノ゙
**********************************************************************
可以如此順利各種必需品到達香港,真心多謝自己家人,義不容辭地幫助我地,都要多謝我地的上游廠家,如此真心為我地服務,中間我地不停問各種問題,各種疑慮,他們都非常耐心,讓我地成為專業!多謝好多信任我地的朋友,有一些已經開始向我地詢問訂單,話就等緊我地開機!係呢度真心多謝你地!雖然我地不是大集團,純粹的香港小企業小市民,但我地會好努力,細心挑選我地的原材料,用心做好我地的口罩,我地一定會全心全意投入呢間廠。希望係疫情期間,我地ECHO MASK可以為香港出返一些力,擔起我地的社會責任,盡快投入生產!🆙💪ヾ(◍°∇°◍)ノ゙
今次投入口罩廠的資金都係自己同親朋好友集資的積蓄,係香港投入一間全自動化口罩廠,對於我地80後90後,係一筆不小的數目!要努力回本!所以接落來,都希望大家多多支持!亦都祝福大家身體健康,遠離病菌!

Echo Mask 27-MAR-2020